Monday, September 20, 2010

ನೆನಪ ಕನವರಿಕೆ

ಮೋಡ ಕವಿದ ಬೇಸರದ ಮಧ್ಯಾಹ್ನ
ಸುಮ್ಮನೇ ಬೀಸಿ ಬಂದ ಗಾಳಿಗೆ
ಕಾಲುಹಾದಿಗುಂಟ ಮರವುದುರಿಸಿದ
ಹೂ ಪಕಳೆಗಳಂತೆ ನಿನ್ನ ನೆನಪು
       
ಹೂ ಕಂಪು ಹರಡಿ ತನುವನಾವರಿಸಿ
ಮನವ ಮುಸುಕಿದ್ದ ಬೇಸರದ ಛಾಯೆ
ಅಳಿಯೆ 
ದಿನವಿಡೀ ಕವಿದಿದ್ದ ಮೋಡ ಕೊಂಚ ಸರಿದು
ಸಂಜೆ ಜಾರುವ ಹೊತ್ತಲ್ಲೂ ಹರಿದ ತಿಳಿ
ಬೆಳಕಂತೆ ನಿನ್ನ ನೆನಪು

ಮುಂಬಾಗಿಲ ದಾಟಿ ಒಳಬರುವಾಗ
ಸಂಜೆ ಯಾರಿಲ್ಲದ ಹೊತ್ತಲ್ಲಿ, ಅರಿವಿಲ್ಲದೇ ಕವಿದ ಕಪ್ಪಿಗೆ
ಮಾತು ಮರೆತಂತಾಗಿ ದಿಗಿಲು ಆವರಿಸುವಾಗ
ಮೆಲ್ನಕ್ಕ  ಗುಡಿಯ ಮುಂದಿನ ಪ್ರಣತಿಯಂತೆ  ನಿನ್ನ ನೆನಪು

ಕಾರುಗತ್ತಲ  ರಾತ್ರಿ, ತಾರೆ ನೂರಲ್ಲ ಒಂದೂ ಇಲ್ಲದೇ
ನಿಶೆ ತಾನೇ ತಾನು ಮುಸುಕಿದಾಗ
ನಿದ್ದೆ ಬಾರದೆಯೂ ಮುಚ್ಚಿಕೊಂಡ ಕಂಗಳೊಳಗೆ
ತುಂಬಿಕೊಂಡ ಕನಸಂತೆ ನಿನ್ನ ನೆನಪು

6 comments:

sunaath said...

ನವಿರಾದ ಭಾವನೆಗಳ ಕವನ. ಮನಸ್ಸು ಭಾವಲೋಕದಲ್ಲಿ ಸರಿಯುತ್ತದೆ.

Unknown said...

good use of words. after a long time enjoyed poetry :)

shobha said...
This comment has been removed by the author.
shobha said...

Nice one dear

ಕವನ said...

Wonderful!!!!

Auto Game said...

Apple iPhone 7 Rumors 2015
http://topcellsmartphone.com/iphone-7-rumors/