Monday, December 31, 2007

ಹೊಸ ವರುಷ

ಬೆಳ್ಳನೆ ಬೆಳಗಾಯಿತು
ನವ ವರುಷದ ಹೊಸ ಗಾಳಿಗೆ
ಇದೀಗ ಅರಳಿದ ಹೊಸ ಹೂಗಳ ಲಾಸ್ಯ
ಮುಗಿಲಿನ ಮೂಲೆಯಲ್ಲಿ ಹಾರುತಿರುವ
ಹಕ್ಕಿ ಹಿಂಡು ಬರೆಯ ಹೊರಟಿದೆ
ಹೊಸ ವರುಷಕೆ ಹೊಸ ಭಾಷ್ಯ
ಇರುಳ ಕತ್ತಲೆಯ ಕಳೆದು
ನಿನ್ನೆಗಳ ಹಳೆ ಕೊಳೆಯ ತೊಳೆದು
ಎಳೆ ಹುಲ್ಲ ಮೇಲೆ ಇಬ್ಬನಿಯ ಮುತ್ತು ಹಾಸಿ
ನಡೆಯಿರೆನ್ನುತಿದೆ ಹೊಸತೊಂದು ದಾರಿ
ಹೊಸ ವರುಷದ ನವ ಕಿರಣ
ನೆಲಕೆ ಮುತ್ತಿಟ್ಟು
ಬೆಳ್ಳನೆ ಬೆಳಗಾಯಿತು .

*********

ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು .

1 comment:

ಸುಪ್ತದೀಪ್ತಿ suptadeepti said...

ನಿನಗೂ, ಶುಭಾಶಯಗಳು:

ಹೊಸ ವರುಷ ಹರುಷದಾಯಕವಾಗಿರಲಿ.
ಸುಖ, ಸಂತಸ, ಶಾಂತಿ ತರಲಿ,
ನಗು ಹಬ್ಬಲಿ, ಬಿಗು ತಗ್ಗಲಿ,
ಸಮೃದ್ಧಿಯ ಆಪ್ತ ತೋಳು ಎಲ್ಲರನು ತಬ್ಬಲಿ.